شوية تخاريف صباحي كدة عالماشي
*********
خرج علينا عمر سليمان بطلته البهية وحركاته الشقية أثناء الثورة ليعلن بكل بجاحة (أن الشعب غير مؤهل للديموقراطية) عظيم .. برافو جبت التايهة.
ممكن حضرتك توضح لي معنى الديموقراطية؟؟؟!!!!!
مين اللي حرمنا من تعلم الديموقراطية من الأساس؟!!!!
هي الديموقراطية دلوقت محتاجة انك تاخد بكالوريا فيها علشان تعرف تستقبلها؟ على كدة الواحد ممكن يستعمل ريسفرات تكنوقراطية وعليها دش ديمولوجيا ونعمل تبادل بمعادلة بسيطة.
تكنوقراطية = تكنو + قراطية
ديمولوجيا = ديمو + لوجيا
بالتبادل اللي سيادتي مخترعه نشيل تكنولوجيا اللي اختفت من مصر تبقى ديموقراطية اللي بيتكلم عليها ابو سر باتع عمر سليمان.
***************************
لأول مرة في التاريخ يطالب الشعب بإسقاط شخص من منصبه فيقوم هذا الشخص بالترشح لرئيس جمهورية ) نقلاً عن صديق :)
ومش بعيد جمال ومبارك يرشحوا نفسهم كمان :)
ومش بعيد جمال ومبارك يرشحوا نفسهم كمان :)
واللي خدته القرعة تاخده أم زعرورة :)
***************************
الشيخ يعقوب يقول غزوة الصناديق تقوم الدنيا وتقعد وأيه التخلف والرجعية دي (انتوا نسيتم ساويرس والقس ولا أيه)
الشيخ يعقوب يقول اللي مش عاجبه البلد يسيبها ويروح كندا تقوم الدنيا وتقعد وتقول طائفية أرجموه في ميدان عام
هي كندا وحشة ياجدعان ولا أيه :)
***************************
كل الدنيا تقول مصر علمتنا معنى الحرية ومعنى الديموقراطية وابو سليمان يقول (أن الشعب غير مؤهل للديموقراطية) والمصريون يقولون إنهم خونة .. ثورة فائلة .. عملتلنا أيه الثورة ملعون أبوهم .. ياخي خلي عند أهلك دم
كان عاجبك حسني؟
كان عاجبك جمال وعز وصفوت والعادلي وباقي الكلاب؟
مش هاقلك روح كندا أهو
لأ يا سيدي روح عندهم في طرة أكيد هم بيحبوك بردو أخذاً بمبدأ (من أجلك أنت).
***************************
طوال فترة الثورة لم يكن هناك أي فرد أمني في مصر كافة ومع ذلك لم يحدث حرق لكنيسة أو جريمة قتل أو سرقة وبعد عودة الأمن المزعوم
سيدة تقتل زوجها وتقطعه 19 حتة (محدش يقول اشمعنا 19 علشان عيب).
نفس الزوجة وعشيقها تقطع طفلها البالغ من العمر 99 سنة إلى 19 حتة بردو.
نفس الطفل البالغ من العمر 99 عاماً(امور يا جدعان) يضرب أمه بالشلوت فيجدوا جثتها متفحمة داخل المحيط الهندي جار بتاع عصير القصب اللي عالناصية.
حد لاحظ حاجة؟ صراحة حاجة محيرة هل فعلاً أخبار الحوادث دي حقيقية؟ ولا كدب؟
***************************
ماذا نعرف عن السياسة؟
الكثير منا لا يعرفون عن السياسة إلا من هو عضو مجلس الشعب الذي يمثل دائرته أو من هو رئيس الجمهورية وكان طبعاً مبارك وخليفته جمال ده كان أمر مسلم به.
أنا لا أحب السياسة ولا أحب ولا السياسيون لا تسألني لماذا!!!! فأعتقد أن عدم الحب هذا أني لم ألتق أحدهم يوماً ومن قابلته لم أعجب به أو لم يعجبني أسلوبه الملتوي.
تربينا وتربى الكثير منا على أن الكلام في السياسة ممنوع
أمن الدولة ياعم الحج
المخبرين ماليين البلد
اوعى تجيب سيرة حد وانت في الميكروباص
وعبارات كتير
أرد على هؤلاء
طير انت
تسلم تخاريفك ياعم رشدي
ردحذفحلو استمر ممكن مع الوقت والقراءة تبقى زى عمنا جلال عامر
ردحذفههههههههههه يالهوي الأستاذ جلال عامر مرة واحدة طب أسكتي أحسن أحلف أخد مقلب في نفسي :)
ردحذف