دبحوكي يا ست البنات

ذبحوكِ يا ست البنات
خذلوكِ يا ست البنات
وفي الأخير فاكرين نفسهم شنبات
ياستهم ياحارقة دمهم
يا وردة ريحك غطى على ريح ندالتهم وجبنهم 


قتلوا الولاد
عروا البنات
لا همهم حرمة مساجد ولا كنايس
وعالحصر في مسجدي
وعلى دم الشهيد عسكرهم دايس
 يمكن نسيتوا التفجيرات!!!!!
لا يا صاحبي هي نفسها الأيادي 
نجاسة ما بعدها نجاسة 
بيوزعوا علينا التعاسة 

وتتعشموا يديكوا سلطة؟
 انتوا نايمين ولا فكركم فكر عجايز؟
اوعاك تقول ده كان نظام وراح خلاص
نظامه عايش يا صديقي
واسال مينا والشيخ عماد
وأقلك أيه روح كمان اسأل ست البنات 
عروها في الميدان 
وكشف عليها جبان 
واتخاذل عنها إخوان (1)
وحرقوا مصانعها

ودمروا أولادها بمخدرات ألوان 


ست البنات أختك وأختي وأمك وأمي وأم كل من حمل همها وخاف عليها ويفديها بدمه 


في النهاية
ست البنات 
هي مصــــــــــــــــــــــــــــر

ولازم كلنا نتجمع تحت رايتها لأن الوضع مخزي ولا سبيل للمرور إلا بالاتحاد ونبذ الفرقة
(1) إخوان لا أقصد بها الجماعة وإنما الإخوة 


حضرتك الزائر رقم لمواضيعي رشدي العريضon   Follow Me @Roshdy123